ក្លឹបធំៗនៅប្រទេសអ៊ីតាលីចំនួន ២ មាន AC Milan និង Napoli កំពុងក្រវែលតាមមើលកីឡាករ Luka Jovic របស់ក្លឹប Real Madrid ដោយចង់ចរចាយកខ្សែប្រយុទ្ធរូបនេះ នៅពេលទីផ្សារដោះដូរបើកទ្វារនៅពេលដ៏ខ្លីខាងមុខ។
កីឡាករស៊ែប៊ីលែងក្លាយជាជម្រើសរបស់ Zidane តទៅទៀតហើយ ដោយត្បិតបើក្លឹបចាយលុយអស់ច្រើនលានទិញចូលកាលពីអតីតកាលក៏ដោយ។ មានភាគរយច្រើន Jovic ទំនងជានឹងចាកចេញនៅខែមករា នាទីផ្សារដោះដូររដូវរងាខាងមុខ។
បច្ចុប្បន្ន Jovic មានហាងឆេងថ្លៃខ្លួនប្រមាណ ២៥ លានអឺរ៉ូ ដោយកុងត្រារបស់គេជាមួយ Real ជាប់ដល់ឆ្នាំ ២០២៥ ឯណោះ។ ប៉ុន្តែរដូវកាលនេះ ត្រឹមជាកីឡាករបម្រុងឈរជើងបាន ២០១ នាទី ហើយមិនទាន់រកបានសូម្បីតែមួយគ្រាប់ឬ Assist៕ ប្រភព៖ Goal