កាលពីប្រកួតជុំទី ២ ពេលប៉ះ Barcelona កីឡាករ Alvaro Morata របូតដល់ទៅ ៣ គ្រាប់ តាមរយៈបាល់ Offsideប៉ុន្តែនៅសប្តាហ៍នេះគេមិនភ្លាត់ៗងាយនោះទេ ដោយរកបាន ២ គ្រាប់ម្នាក់ឯងក្នុងការប្រកួត។
Juventus បានយកឈ្នះម្ចាស់ដីក្លឹប Ferencvaros ៤-១ ដែលសម្រេចបាន ២ គ្រាប់ដោយ Morata, Paulo Dybala ១ គ្រាប់ និងចំណេញបាល់ Own Goal មួយគ្រាប់។ បន្ថែមវត្តមាន Cristiano Ronaldo ដែលទើបជាសះស្បើយពីជំងឺ COVID-19 ក៏ជាចំណែកជួយឲ្យសេះបង្កង់មានឱកាសវាយសម្រុកច្រើន ដោយស៊ុតចេញ ១៦ លើក ចំគោលដៅដល់ទៅ ៩ លើកឯណោះ។
ការយកបាន ៣ ពិន្ទុនេះ រុញឲ្យក្រុមរបស់លោក Andrea Pirlo មាន ៦ ពិន្ទុ ខណៈ Barcelona មាន ៨ ពិន្ទុនាំមុខដាច់ក្រុមលេខ ៣&៤ នៅក្នុងពូល G។
ទស្សនាវីដេអូខាងក្រោម៖
https://www.youtube.com/watch?v=K_9aZQoaFa0
បញ្ជាក់ថា សម្រាប់ Juventus នៅប្រកួតជុំទី ៤ នឹងត្រូវប៉ះគ្នាទល់ Dynamo Kyiv ស្របពេលដែល Barcelona ត្រូវប៉ះ Ferencvaros មានផ្សាយផ្ទាល់លើទំព័រ CTS Sports៕