ក្រុមបិសាចក្រហម Manchester United ដែលបានបំបាក់ក្រុម RB Leipzig ៥-០ កាលពីសប្តាហ៍មុន មកដល់ជុំទី ៣ នៅសប្តាហ៍នេះបែរជាបរាជ័យក្រោមថ្វីជើង Istanbul Basaksehir ក្នុងលទ្ធផល ២-១ ទៅវិញ។
បាល់មូលដូចគេថាមែន! លទ្ធផលនេះពិតជាធ្វើឲ្យអ្នកគាំទ្រពិបាកនឹងទទួលយកខ្លាំងណាស់ ហើយក៏កាន់តែមិនខុសពីមតិមួយចំនួនដែលគេយល់ឃើញថា៖ “Man Utd ឥឡូវម្តងខ្មោចចេញម្តងខ្មោចចូល”។
ក្រឡេកទៅការប្រកួត United មានឱកាសស៊ុតចំគោលដៅតែ ២ លើកគត់ហើយសម្រេចបានមួយគ្រាប់ពី Anthony Martial នៅនាទី ៤៣ ស្របពេលម្ចាស់ផ្ទះធ្វើបាន ២ គ្រាប់នៅនាទី ១២ ដោយ Demba Ba និងនាទី ៤០ ដោយ Edin Visca។
ទស្សនាវីដេអូខាងក្រោម៖
បញ្ជាក់ថា គិតត្រឹមជុំទី ៣ United បន្តឈរលេខ ១ មាន ៦ ពិន្ទុស្មើ PSG ខណៈ Istanbul បន្ថែមក្តីសង្ឃឹមក្រោយយកបាន ៣ ពិន្ទុស្មើ Leipzig៕