ក្រុម Dynamo Kyiv បានធ្វើដំណើរដល់អេស្ប៉ាញហើយ ដើម្បីត្រៀមខ្លួនប្រកួតជាមួយក្រុម FC Barcelona នៅយប់នេះ ក្នុងពានរង្វាន់ UEFA Champions League ។
Dynamo Kyiv មកលេងជាមួយក្រុម Barcelona នេះ គឺពួកគេអវត្តមានកីឡាករច្រើនមែនទែន។ ទាំងរបួស និងឆ្លងមេរោគកូវីដ១៩ផង គឺមានកីឡាកររហូតដល់១៣នាក់ហើយដែលមិនអាចចូលលេងបានក្នុងការប្រកួតយប់នេះ។ ខណៈដែលពួកគេក៏បានកោះហៅកីឡាករយុវជនច្រើននាក់មកជួយក្រុមសម្រាប់ការប្រកួតនេះដែរ។
អ្វីដែលគួរឱ្យកត់សម្គាល់ថែមទៀតនោះ គឺមុនការប្រកួតលោក Mircea Lucescu ដែលជាគ្រូបង្វឹករបស់ក្រុម Dynamo Kyiv បែរជាបោះសម្ដីថាក្រុម FC Barcelona នៅពេលនេះ ល្អមិនទាន់គ្រប់គ្រាន់ទេ។ លោកអះអាងថាក្រុមរបស់លោក Ronald Koeman នៅមានកម្រិតនៅឡើយ មិនអាចឈ្នះ Champions League រដូវកាលនេះឡើយ។ ដោយរដូវកាលនេះ Bayern Munich នៅតែជាក្រុមមានភាគរយខ្ពស់ជាងក្នុងការការពារតំណែងជើងឯកបាន៕ប្រភព Marca