ចំពោះទម្រង់លេងដ៏ល្អរបស់ Diogo Jota សម្រាប់ប្រព័ន្ធប្រយុទ្ធរបស់ Liverpool ទល់ Atalanta កាលពីយប់មិញ បានធ្វើឲ្យអ្នកគាំទ្រជាច្រើនយល់ឃើញថា វានឹងក្លាយជាដំណឹងអាក្រក់សម្រាប់ Roberto Frimino ដែលត្រៀមនឹងមានអ្នកជំនួសថ្មី។
ប៉ុន្តែសម្រាប់អ្នកចាត់ការលោក Jurgen Klopp មិនបានយល់ឃើញបែបនោះទេ ផ្ទុយទៅវិញនៅតែសរសើរដល់កីឡាករទាំងពីរ មិនថាតែចំណូលថ្មី និងអ្នកឈរជើងកាន់ឆ្នាំហើយនោះ។
លោក Klopp មានប្រសាសន៍ក្រោយយកឈ្នះ Atalanta ៥-០ បែបនេះថា៖ “ការលេងល្អបែបហ្នឹងមិនធ្វើឲ្យខ្ញុំឈឺក្បាលនោះទេ ហើយការដែលសម្រេចចិត្តដាក់ Diogo ចូលលេង ព្រោះរបៀបលេងនិងការការពាររបស់ Atalanta គឺយើងគួរតែប្រើជំនាញរបស់ Diogo មកជួយ”។
លោកបន្ថែម៖ “នៅក្នុងពិភពលោកយើងនេះពេលខ្លះក៏ជាកន្លែងអាក្រក់ដែរ ដោយត្រូវចាំថាបើគ្មាន Bobby Firmino ក៏យើងមិនអាចលេងនៅ Champions League បានដែរ សម្រាប់ក្រុមទាំងមូលប្រសិនមានគ្នាលើសពី ១១ នាក់វាជារឿងល្អជាង និយាយរួមខ្ញុំសប្បាយចិត្តទៅវិញទេសម្រាប់ការលេងនៅយប់នេះ”៕ ប្រភព៖ Goal