លោក Mauricio Pochettino បានបង្ហើបគម្រោងចូលដឹកនាំក្រុមបាល់ទាត់វិញ ក្រោយពីសម្រាកជាច្រើនខែ ដោយសារ Spurs បណ្ដេញចេញកាលពីពេលកន្លងទៅនេះ។
ស្របពេលអ្នកចាត់ការអាហ្សង់ទីនខាងលើបង្ហើបពីការចង់ដឹកនាំក្រុមវិញនេះដែរ ក្លឹប Man Utd ឯណោះក៏កំពុងគិតរកអ្នកចាត់ការថ្មីមកជំនួសតំណែងរបស់លោក Ole ដែលកំពុងដឹកនាំក្រុមមិនបានល្អដែរ។ បច្ចុប្បន្នបិសាចក្រហម ស្ថិតនៅចំណាត់ថ្នាក់លេខ១៥ក្នុងតារាង Premier League ក្រោយពីធ្វើមិនបានល្អសោះ នាដើមរដូវកាលនេះ។
លោកMauricio Pochettino បាននិយាយថា៖ “ខ្ញុំបានស្គាល់រឿងល្អៗជាច្រើនក្នុងប្រទេសនេះ ទំនៀមទម្លាប់ល្អ ហើយខ្ញុំស្រលាញ់ការរស់នៅទីនេះ (អង់គ្លេស)។ ខ្ញុំតែងតែរួចរាល់ជានិច្ចក្នុងការចូលខ្លួនដឹកនាំក្រុមម្ដងទៀត ខ្ញុំស្រលាញ់បាល់ទាត់ វាជាអ្វីដែលខ្ញុំពេញចិត្តនិងចង់ធ្វើបំផុត”៕
ប្រភព៖ GOAL