Arturo Vidal ខ្សែបម្រើរបស់ក្រុម Inter Milan ថាចង់ឈ្នះក្រុម Real Madrid នៅយប់នេះក្នុងពានរង្វាន់ UEFA Champions League ដើម្បីបានអបអរជាមួយអ្នកគាំទ្រក្រុម Barcelona ។
Inter Milan នឹងត្រូវប៉ះក្រុម Real Madrid នៅរាត្រីនេះ សម្រាប់ការប្រកួតសប្ដាហ៍ទី៣ពានរង្វាន់ UEFA Champions League ។ សម្រាប់ការប្រកួតនេះដែរ Real Madrid និង Inter Milan នេះ សុទ្ធតែត្រូវការឈ្នះដាច់ខាតតែម្ដង ដើម្បីមានឱកាសឡើងទៅវគ្គបន្ដទៀតបាន ព្រោះកន្លងមកពួកគេធ្វើមិនបានល្អសោះ ២ប្រកួតមកនេះ។
ជាមួយការប្រកួតនៅយប់នេះដែរ Vidal កីឡាករដែលក្រុមលោក Conte ទើបទិញពី Barcelona មក ក៏បានបោះសម្ដីថារូបគេចង់អបអរជ័យជម្នះលើក្រុម Real Madrid ជាមួយអ្នកគាំទ្រ Inter Milan និង Barcelona ។ ការនិយាយបែបនេះ ក៏ដោយសារតែរូបគេចង់សងសឹក Real Madrid វិញ ឱ្យ Barca ដែលទើបចាញ់ក្រុមលោក Zidane ក្នុងលទ្ធផល ៣-១៕
ប្រភព៖ Marca