ការប្រកួតដ៏កក្រើករវាងក្លឹប Real Madrid និង Inter Milan នៅឯកីឡដ្ឋាន Alfredo Di Stefano នឹងឈានចូលមកដល់នៅវេលាម៉ោង ០៣:០០ នាទីព្រឹកថ្ងៃពុធនេះ មានផ្សាយផ្ទាល់លើទំព័រ CTS Sports។
មុនឈានដល់ការប្រកួតសំណាក់កីឡាករនិងអ្នកចាត់ការនៃក្លឹបសងខាងបានបង្ហាញការយល់ឃើញ ក៏ដូចជាបង្ហាញពីឆន្ទៈចង់ទទួលបានជ័យជម្នះរៀងៗខ្លួន។ មិនខុសពី Arturo Vidal ក៏បាននិយាយយ៉ាងឡូយ ឌឺដងដល់ក្លឹប Real Madrid មួយទំហឹង។
កីឡាករសញ្ជាតិឈីលីនិយាយ៖ “វាជាការប្រកួតដ៏ល្អមួយ ដោយខ្ញុំធ្លាប់ចំណាយពេល ២ ឆ្នាំនៅ Barcelona ដោយយប់នេះខ្ញុំសង្ឃឹមអាចអបអរជ័យជម្នះទៅលើពួកគេ [Real Madrid] ពោលគឺចង់អបអរជាមួយទាំងអ្នកគាំទ្រ និង Barcelona”។
ផ្សាភ្ជាប់ទៅនឹងរឿងចាស់ដែលគេធ្លាប់លេងនៅ Bayern Munich ហើយត្រូវធ្លាក់នៅ UCL ក្រោមថ្វីជើងរបស់ Real គេក៏បានសង្កត់ធ្ងន់៖ “យើងធ្លាប់ត្រូវបាន Madrid ទម្លាក់ពីរដងហើយ តែយ៉ាងណាមិញនៅរដូវក្តៅកន្លងទៅនេះខ្ញុំសប្បាយចិត្ត ព្រោះក្រុមដែលឈ្នះពាន Champions League គឺជា Bayern”៕ ប្រភព៖ AF