• Ancelotti ឆ្លើយតប​បែប​ណា រឿង​ចចាមអារ៉ាម Isco ចង់​មក Everton?

    ថ្មីៗ​នេះ​បាន​ផ្ទុះ​ចចាមអារ៉ាម​ដ៏​កក្រើក​មួយ ពាក់ព័ន្ធ​នឹង​ការ​ចង់​មក​ចូលរួម​របស់​កីឡាករ Isco ជាមួយ​ក្លឹប Everton នៅ​ទីផ្សារ​ដោះដូរ​នា​ខែ​មករា​ខាង​មុខ។

    ប្រភព​ជា​ច្រើន​ចុះ​ផ្សាយ​បន្ត​កន្ទុយ​គ្នា​ថា ខ្សែ​បម្រើ​ដែល​ស្ថិត​ក្រៅ​ជម្រើស​របស់ Zinedine Zidane មាន​បំណង​ចង់​ដើរ​តាម​គន្លង​របស់ James Rodriguez ដែល​កំពុង​ជោគជ័យ​ខ្លាំង​ជាមួយ Everton នា​រដូវ​កាល​ដំបូង។

    ផ្សា​ភ្ជាប់​នឹង​រឿងរ៉ាវ​ខាង​លើ អ្នកចាត់ការ​លោក Carlo Ancelotti បាន​សង្កត់​ធ្ងន់​ថា៖ “Isco គេ​ជា​កីឡាករ​ដ៏​អស្ចារ្យ​ម្នាក់ ហើយ​ខ្ញុំ​ក៏​មាន​អនុស្សាវរីយ៍​ល្អ​ជាមួយ​គេ​ដែរ តែ​ពេល​នេះ​និយាយ​ស្មោះត្រង់​ទៅ ខ្ញុំ​ផ្តោត​តែ​សម្រាប់​ការ​ប្រកួត​នៅ​ទី​នេះ​ទេ”។

    លោក​បន្ថែម៖ “ខ្ញុំ​ផ្តោត​លើ​ប្រកួត​នា​សប្តាហ៍​បន្ទាប់ ដែល​យើង​ត្រូវ​ទទួល​កីឡាករ​ជា​សះស្បើយ​ពី​របួស​ត្រលប់​មក​វិញ ហើយ​និង​រៀប​ចំ​ឲ្យ​បាន​ល្អ​សម្រាប់​ការ​ប្រកួត​ទល់ Man Utd”៕

    ប្រភព៖ SoccerLaduma

    ភ្ជាប់ទំនាក់ទំនងជាមួយ CTS SPORT