មានដំណឹងពិសេសនៅព្រឹកនេះ ដោយខ្សែបម្រើ Pual Pogba បានប្រាប់មិត្តរួមក្រុមនៅបិសាចក្រហម Manchester United ថារូបគេនឹងចេញពីក្លឹបនេះ ទៅលេងនៅ FC Barcelona ហើយ។
Pogba បាននិយាយរឿងខាងលើប្រាប់មិត្តរួមក្រុម បន្ទាប់ពីរូបគេចង់ឱ្យក្លឹបលក់ខ្លួនចេញ ក្រោយលេងបាន២រដូវកាលនៅទឹកដី Old Trafford ។ ការចង់ចាកចេញនេះទៀតសោត ក្រោយពីរងការរិះគន់ពីសំណាក់អ្នកគាំទ្រ ចំពោះទម្រង់លេងរបស់គេ និងការមិនបានចូលលេងជម្រើស១១នាក់ដំបូងទៀងទាត់ថែមទៀត។ អ្វីកាន់តែពិសេសទៀតនោះ គេក៏បានដឹងទៀតថា កីឡាករវ័យ២៥ឆ្នាំរូបនេះបានផ្ញើសារទៅលោក Ed Woodward ដែលជាប្រធានក្លឹបចំពោះការចង់ចាកចេញនេះផងដែរ។
ត្បិតតែចង់ចាកចេញយ៉ាងនេះមែន ប៉ុន្តែក្លឹបបិសាចក្រហម Man Utd បានបញ្ជាក់ថាកីឡាករបារាំងម្នាក់នេះមិនមែនសម្រាប់លក់ឡើយនៅរដូវកាលនេះ។ រូបគេនឹងនៅតែជាកីឡាកររបស់ Man Utd ដដែល។ បើទោះជាមានក្លឹបជាច្រើនចង់បានក៏ដោយ។
ការបែកធ្លាយរឿងដែលកីឡាករ Pogba ប្រាប់មិត្តរួមក្រុមថាចង់ចាកចេញនេះ គឺក្រោយពីមានដំណឹងថាសាមីខ្លួនបានយល់ព្រមទៅលេងនៅ Barcelona ហើយ ដោយទទួលបានប្រាក់ពលកម្ម៣៥០ ០០០ផោន ក្នុង១សប្ដាហ៍៕ប្រភព៖ DailyMail