នៅឯកីឡដ្ឋាន Elland Road ដែលមានផ្សាយផ្ទាល់លើទំព័រ CTS Sports កាលពីយប់មិញ ក្រុមកញ្រ្ជោងខៀវ Leicester City បានយកឈ្នះទៅលើក្រុមម្ចាស់ផ្ទះ Leeds United ក្រោមលទ្ធផល ១-៤។ ៣ ពិន្ទុដ៏សំខាន់បានរុញឲ្យ Leicestetr រំកិលឡើងលេខ ២ មាន ១៥ ពិន្ទុប្រកៀកនឹង Liverpool នៅកំពូលតារាងមាន ១៦ ពិន្ទុ។
ការប្រកួតខាងលើ បានកើតមានគ្រាប់បាល់តាំងពីនាទីទី ២ ដែលជាការសម្រេចទីរបស់កីឡាករ Harvey Barnes នាំឲ្យ Leicester នាំមុខមួយគ្រាប់មុន ហើយដល់នាទី ២១ Youri Tielemans បន្ថែមមួយគ្រាប់ទៀត មុនចូលដល់តង់ទីពីរនាទី ៤៨ Leeds មានឱកាសវាយបកបានមួយវិញ ដោយការស៊ុតរបស់ Stuart Dallas។
ប៉ុន្តែការវាយសម្រុកហាក់មិនបញ្ចប់ទៅបានដោយងាយៗនោះទេ លុះរំលងជាង ២០ នាទី ខ្សែប្រយុទ្ធ Jamies Vardy ក៏ជួយក្រុមនាំមុខ ៣-១ មុនបញ្ចប់ដោយបាល់ប៉េណាល់ទីចុងម៉ោងរបស់ Tielemans មួយគ្រាប់នៅនាទី ៩០+១៕
ទស្សនាវីដេអូខាងក្រោម៖