ក្លឹបបិសាចក្រហម Man Utd បានរងបរាជ័យ ១-០ ក្នុងទឹកដីខ្លួនឯង ក្រោមថ្វីជើងរបស់កាំភ្លើងធំ Arsenal។ ការរបូតពិន្ទុលើកនេះ កំពុងនឹងរុញឲ្យឈ្មោះរបស់ក្រុមដឹកនាំដោយលោក Ole Gunnar Solskjaer ធ្លាក់ដល់លេខរៀងទី ១៥ ហើយក្នុងក្របខ័ណ្ឌ Premier League។
៦ ប្រកួតដំបូង ក្លឹបឈ្នះតែ ២ ស្មើ ១ និងចាញ់ ៣ ប្រកួត មានត្រឹម ៧ ពិន្ទុ ធៀបនឹងក្រុមនៅចំណាត់ថ្នាក់ Top 4 មានដល់ ១៣ ពិន្ទុ។
វាបានរុញឲ្យ United ធ្លាក់ទៅក្នុងកំណត់ត្រាដែលក្រុមលេងអន់បំផុតសារជាថ្មី រាប់តាំងពីជំនាន់លោក David Moyes ធ្លាប់ដឹកនាំរយៈពេលខ្លីនៅរដូវកាល ២០១៣/១៤។ ជាមួយបិសាច Moyes ធ្លាប់ដឹកនាំបាន ៥១ ប្រកួត ដោយឈ្នះ ២៦ ស្មើ ១០ ចាញ់ ១៥។
បញ្ជាក់ថា ទន្ទឹមនឹងបរាជ័យដ៏ធ្ងន់ធ្ងរនេះ កៅអីរបស់លោក Ole ដែលជាគ្រូបច្ចុប្បន្នក៏កំពុងតែវឹកវរខ្លាំងផងដែរ ខណៈដែលប្រកួតនាចុងសប្តាហ៍ដែលជាជុំបន្ទាប់ពួកគេត្រូវជួបក្រុមឡើងជើង Everton ថែមទៀត ប្រសិនណាបន្តចាញ់ នោះប្រហែលជារងហានិភ័យខ្ពស់ហើយសម្រាប់ការចាកចេញ៕
ប្រភព៖ Goal