ក្រុម Everton បានធ្លាក់ដល់លេខ៣ក្នុងតារាងPremier League ហើយ ក្រោយពីបរាជ័យក្រោមថ្វីជើងក្រុម Newcastle United ក្នុងលទ្ធផល ២-១។
ក្រុមរបស់លោក Carlo Ancelotti ដែលអវត្តមាន James Rodriguez និង Richarlison នៅយប់មិញនេះ ធ្វើមិនបានល្អឡើយ។ ពួកគេត្រូវក្រុម Newcastle United នាំមុខ២គ្រាប់មុន ដោយ Wilson ប៉េណាល់ទីនៅនាទី៥៦ មុនពេលកីឡាករដដែលនេះធ្វើបានគ្រាប់ទី២នៅនាទី៨៤។ ខ្សែប្រយុទ្ធកំពុងឡើងជើង Calvert-Lewin រកបាន១គ្រាប់តាមពីក្រោយដែរ នៅនាទី៩០+១។
បរាជ័យនេះបានធ្វើឱ្យ Everton ធ្លាក់មកចំណាត់ថ្នាក់លេខ៣ឯណោះ ខណៈដែលលេខ១បានទៅ Liverpool និងលេខ២ បានទៅលើក្រុម Spurs ។ ក្រុម Ancelotti ធ្វើបានល្អណាស់កាលពីបើករដូវកាល ប៉ុន្តែក្រោយពីកីឡាកររបួសច្រើនទៅ ធ្វើឱ្យទម្រង់លេងប្រែប្រួលខ្លាំងមែនទែន៕
ប្រភព៖ DailyMail