អតីតគ្រូចាស់របស់ក្លឹប Barcelona គឺលោក Quique Setien បានផ្តល់បទសម្ភាសន៍កាលពីពេលថ្មីៗនេះ ជុំវិញបទពិសោធន៍ខ្លះៗកំឡុងពេលនៅដឹកនាំក្លឹបកាតាឡាន់បានរយៈពេល ៧ ខែ។
និយាយដល់រឿង Lionel Messi គ្រូចាស់ខាងលើបង្ហើបថា៖ “មានកីឡាករជាច្រើនដែលមិនងាយនឹងដឹកនាំពួកគេបានទេ ហើយក្នុងចំណោមនោះក៏មាន Messi ម្នាក់ដែរ ដោយអ្នកត្រូវចាំថាគេជាកីឡាករល្អបំផុតក្នុងលោក ហើយខ្ញុំជានរណាដែលអាចផ្លាស់ប្តូរគេបាននោះ”។
លោកបន្ត៖ “ខ្ញុំមិនអាចធ្វើអ្វីបានទាំងអស់ ហើយក៏ត្រូវតែទទួលយកដែរ ណាមួយរបៀបហ្នឹងគឺគ្មាននរណាអាចផ្លាស់ប្តូរគេជាចច្រើនឆ្នាំមកហើយ ប៉ុន្តែក្រៅពីរឿងហ្នឹងវាក៏មានរឿងស្មុគស្មាញផ្សេងទៀតដែរ”។
ផ្សាភ្ជាប់ដល់បរាជ័យស្ពឹកមុខដែលលោកដឹកនាំឲ្យ Barca ចាញ់ Bayern ៨-២ លោក Setien បន្ត៖ “វាពិតជាឈឺចាប់ខ្លាំងណាស់នៅពេលដែលចាញ់បែបហ្នឹង ព្រោះអ្នកធ្លាក់ចូលក្នុងកំណត់ត្រាដ៏អាក្រក់មួយជាមួយភាពបរាជ័យ”៕ ប្រភព៖ Marca