លោក Pep Guardiola បានប្រកាសហើយថាការត្រលប់ទៅដឹកនាំក្រុម FC Barcelona វិញនៅថ្ងៃអនាគតនោះគឺមិនអាចទៅរួចទេ ពោលគឺលោកនៅគ្រាន់តែជាអ្នកគាំទ្រម្នាក់ប៉ុណ្ណោះ។
លោក Victor Font បេក្ខភាពឈានមុខគេក្នុងការទទួលបានតំណែងប្រធានក្លឹប Barcelona ថ្មី បាននិយាយថាប្រសិនបើលោកជាប់ឆ្នោតនោះរឿងដំបូងបំផុតគឺត្រូវនាំយក Pep ឱ្យមកដឹកនាំក្រុមវិញ។ និងនាំយកវីរបុរសក្លឹបជាច្រើននាក់ទៀតមកធ្វើការ ជួយពង្រឹងក្បួន Tiki Taka វិញ។
នៅពេលបានដឹងដំណឹងនេះហើយ លោក Pep ក៏មានប្រតិកម្មភ្លាមៗតែម្ដង។ អ្នកចាត់ការក្រុម Manchester City បច្ចុប្បន្ននេះ បាននិយាយថា៖ “រយៈពេលដែលខ្ញុំធ្វើជាអ្នកចាត់ការក្រុម Barcelona គឺបានបញ្ចប់ហើយ។ ខ្ញុំគិតថាខ្ញុំធ្វើវាបានម្ដងប៉ុណ្ណោះ។ វាបានចប់ហើយ ខ្ញុំនឹងត្រលប់ទៅទីក្រុងនោះវិញ ដើម្បីមើលការប្រកួតក្លឹបជាទីស្រលាញ់របស់ខ្ញុំ។ វាបានចប់សព្វគ្រប់ហើយ”៕
ប្រភព៖ Marca