ក្រុម FC Barcelona លេងស្មើក្រុម Alaves ក្នុងលទ្ធផល ១-១ ក្នុងការប្រកួតពានរង្វាន់ La Liga នៅយប់មិញនេះ ទាំងដែលក្រុមម្ចាស់ផ្ទះនៅសល់គ្នាត្រឹម១០នាក់ប៉ុណ្ណោះនៅ៣០នាទីចុងក្រោយ។
នៅតង់ទី១ ក្រុម Alaves រកគ្រាប់បាល់នាំមុខបានទៅហើយ ដោយ Luis Rioja នៅនាទី៣១ ខណៈដែលក្រុម Barcelona គ្របខ្លាំងប៉ុណ្ណាក៏មិនអាចរកគ្រាប់បាល់តាមស្មើវិញបាននៅតង់នេះផងដែរ។ ឈានចូលដល់នាទី៦២ កីឡាករ Jota Peleteiro របស់ក្រុម Alaves បានទទួលកាតក្រហម ហើយក៏ជាពេលដែល Griezmann រកគ្រាប់បាល់តាមស្មើបានផងដែរ។
នៅសល់៣០នាទីចុងក្រោយ Barcelona លេងទល់ជាមួយក្រុមសល់គ្នាត្រឹម១០នាក់ប៉ុណ្ណោះ ប៉ុន្តែឱកាសនិងសំណាងមិនស្ថិតនៅខាងពួកគេនោះទេ។ ចប់ការប្រកួតក្រុមទាំងពីរចែកគ្នាម្នាក់១ពិន្ទុ។ ដោយបច្ចុប្បន្ន Barcelona នៅលេខរៀងទី១២ឯណោះ ក្រោយ៤ប្រកួតចុងក្រោយនៅ La Liga មិនស្គាល់ពាក្យឈ្នះសោះ៕
ប្រភព៖ DailyMail
