ខ្សែប្រយុទ្ធ Eden Hazard នឹងបានបង្ហាញខ្លួនជាលើកដំបូងឱ្យក្រុម Real Madrid ក្នុងក្របខណ្ឌ La Liga នៅរាត្រីនេះហើយ ប៉ះជាមួយក្រុម Huesca នៅម៉ោង៨យប់នេះ។
កីឡាករបែលហ្សិកខាងលើនេះ បានហ្វឹកហាត់ជាមួយក្រុមពេញលេញនិងមានវត្តមានលេងទល់ក្រុម Gladbach ក្នុងពានរង្វាន់ UEFA Champions League ផងដែរ។ ដោយមើលឃើញថាមិនមានបញ្ហារបួសអ្វីកើតឡើងទៀតទេនោះ Hazard នឹងបន្ដវត្តមានរបស់ខ្លួនលេងក្នុងពានរង្វាន់ La Liga នៅរាត្រីនេះទៀតផងដែរ ដោយនេះជាប្រកួតដំបូងសម្រាប់គេហើយ។
Hazard ជាកីឡាករដែលក្រុម Real Madrid ទិញពីក្រុម Chelsea មកកាលពីរដូវកាលមុន និងមានបញ្ហារបួសជាប់រហូតតែម្ដង។ ដោយរដូវកាលនេះ បើកការប្រកួតច្រើនមកហើយ រូបគេក៏មិនអាចចូលលេងបានដែរ ទើបតែពេលនេះទើបរបួសជាសះស្បើយ និងអាចចូលលេងបានវិញ៕ប្រភព Marca
