លោក Jose Mourinho បានដឹងច្បាស់ថាខ្សែប្រយុទ្ធ Gareth Bale នឹងមិនល្អដូចកាលពីឆ្នាំ២០១៣នោះទេ ព្រោះគ្មានកីឡាករណាអាចល្អដូចកាលពីក្មេងឡើយ។
Bale បានត្រលប់មករួមក្រុម Spurs វិញ ក្រោយចំណាយពេលជាច្រើនឆ្នាំជាមួយក្រុម Real Madrid ។ ការត្រលប់មកជាថ្មីនេះ រូបគេនៅមិនទាន់បង្ហាញទម្រង់លេងឱ្យល្អគួរកត់សម្គាល់ឡើយ ប៉ុន្តែនេះមិនមែនជារឿងដែលលោក Jose Mourinho ត្រូវបារម្ភឡើយ។ អ្នកចាត់ការក្រុម Spurs រូបនេះដឹងច្បាស់ពីកម្រិតលេងរបស់ Bale ត្បិតអីរូបគេវ័យកាន់តែជ្រេទៅហើយ។
Jose បាននិយាយថា៖ “ខ្ញុំនិយាយម្ដងទៀត ៧ឆ្នាំគឺជាពេលយូរណាស់ គ្មាននរណាម្នាក់នៅលើលោកនេះអាចរក្សាទម្រង់លេងឱ្យបានដូចដើមឡើយ។ ជួនកាលពួកគេមិនល្អ ពួកគេជាកីឡាករផ្សេងទៀត អ្នកអាចមើល Ronaldo និង Messi បាន ហើយប្រៀបធៀបពួកគេ៧ឆ្នាំមុន និងពេលនេះទៅ”៕ប្រភព Dailymail
