• កីឡាករ Newcastle ​មិន​ព្រម​ថត​រូប ​ក្រោយ​ក្លឹប​មិន​ព្រម​ចែក Bonus ​

    ក្រុម​កីឡាករ​របស់​ក្លឹប Newcastle United ​មិន​ព្រម​ឈរ​ថត​ឱ្យ​ខាង​ទូរទស្សន៍​ត្រៀម​រដូវ​កាល​ថ្មី​នោះ​ទេ ​បន្ទាប់​ពី​ក្លឹប​មិន​បាន​ផ្ដល់​ប្រាក់ Bonus ​សម្រាប់​រដូវ​កាល​២០១៨-២០១៩ ​នេះ។

    ក្រុម​អ្នក​កាសែត​និង​អ្នក​ថត​រូប​ទូរទស្សន៍ Sky Sports ​បាន​ចុះ​ទៅ​ថត​ក្រុម​កីឡាករ​របស់​ក្លឹប Newcastle United ​នៅ​ថ្ងៃ​ចន្ទ​ម្សិលមិញ​នេះ ​ដើម្បី​ត្រៀម​សម្រាប់​រដូវ​កាល​ថ្មី។ វីដេអូ​ថត​នោះ គឺ​ឱ្យ​កីឡាករ​ដើរ​ចេញ ដើម្បី​ធ្វើ​ជា Line Up ​មុន​ការ​ប្រកួត។ យ៉ាងណាមិញ ​ដំណើរ​ការ​ថត ​មិន​បាន​សម្រេច​ឡើយ ព្រោះ​ថា​កីឡាករ​មួយ​ចំនួន​របស់​ក្រុម ​មិន​បាន​មក​ថត​ឡើយ ក្រោយ​ពី​ពួកគេ​មិន​ទទួល​បាន​ប្រាក់ Bonus ​ពី​ខាង​ក្លឹប ​​ចំពោះ​រឿង​លក់​សិទ្ធិ​ផ្សាយ​នេះ។

    លោក Mike Ashley ​ម្ចាស់​ក្លឹប Newcastle United ​ផ្ទាល់​មិន​ព្រម​ផ្ដល់​ប្រាក់ Bonus ​ឱ្យ​កីឡាករ​ឡើយ ​ចំពោះ​ការ​លក់​សិទ្ធិ​ផ្ទាល់​នា​រដូវ​កាល​ថ្មី​នេះ។ ដូច្នេះ​ហើយ​បាន​ជា​មាន​រឿង​ដូច​ខាង​លើ​កើត​ឡើង។ យ៉ាងណាមិញ ​ម្សិលមិញ​នេះ​ខាង​ទូរទស្សន៍​មិន​បាន​ថត​ឡើយ ​ដោយ​រង់ចាំ​ការ​ចរចា​រវាង​ភាគី​ប្រធាន​ក្លឹប ​និង​កីឡាករ​ក្នុង​ក្រុម​សិន ​ថា​តើ​នឹង​ទទួល​ផល​យ៉ាង​ណា៕ប្រភព៖ DailyMail

     

     

    ភ្ជាប់ទំនាក់ទំនងជាមួយ CTS SPORT