ក្លឹបបិសាចក្រហម Manchester United ត្រូវបានគេរាយការណ៍ថា កំពុងប្រជែងជាមួយនឹងអ្នកមានបុណ្យ Barcelona ជុំវិញការចង់បានខ្សែបម្រើរបស់ក្លឹប Ajax គឺយុវជន Ryan Gravenberch។
កីឡាករវ័យ ១៨ ឆ្នាំជាយុវជនកំពុងអភិវឌ្ឍខ្លួនដ៏ល្អមួយរូបផ្សេងទៀត ដែលគេបានមកចូលរួមនៅឈុត Ajax នាខែកញ្ញាឆ្នាំ ២០១៩។ មកទល់បច្ចុប្បន្នហាងឆេងថ្លៃខ្លួនរបស់ Ryan មានតម្លៃប្រមាណ ១២ លានអឺរ៉ូ។
តាមរបាយការណ៍ពី The Mirror បានចុះផ្សាយថា ក្រៅពី Man Utd និង Barcelona យុវជនខាងលើក៏ទទួលបានការចាប់អារម្មណ៍ពីក្លឹប Juventus ផងដែរ ប៉ុន្តែការសម្រេចចិត្តបែបណានោះ មិនទាន់ច្បាស់ការនៅឡើយ។
បញ្ជាក់ថា Ryan បង្ហាញខ្លួនបាន ១៩ ប្រកួតហើយនៅលីគកំពូលហូឡង់ Eredivisie ដោយរកបាន ៤ គ្រាប់និង Assist ៣ លើកឲ្យមិត្តរួមក្រុម៕ ប្រភព៖ Goal