តាមរបាយការណ៍ពី BILD បានចុះផ្សាយថា ការចរចាកិច្ចបន្តកុងត្រាថ្មីរវាងក្លឹប Bayern Munich និងកីឡាករកាន់ឆ្នាំ David Alaba ហាក់កាន់តែចុះថយ ពោលទំនងជាមិនអាចសម្រេចទៅបាននោះទេ។
ខ្សែការពារស្លាបសញ្ជាតិអូទ្រីស អាចនឹងចរចាជាមួយក្លឹបដទៃជាបណ្តើរៗត្រឹមខែមករាខាងមុខនេះ ប្រសិនគេមិនព្រមបន្តកុងត្រាថ្មី ហើយនឹងដើរចេញនៅបញ្ចប់រដូវកាលនាមជាកីឡាករឥតតម្លៃខ្លួន។
តាមប្រភពបានឲ្យដឹងថាក្លឹបនៅអង់គ្លេសធំៗ ២ មាន Chelsea និង Man City កំពុងឃ្លាំមើលដើម្បីចង់ឆ្មក់យកឱកាសដ៏ល្អ នៃការចាកចេញរបស់ Alaba ដោយគ្មានតម្លៃខ្លួន។
បញ្ជាក់ថា កីឡាករវ័យ ២៨ ឆ្នាំ បង្ហាញខ្លួន ៣៩៣ ប្រកួតឲ្យក្លឹប Bayern Munich ហើយរកបាន ៣១ គ្រាប់និង Assist ៤៩ លើកសរុប៕ ប្រភព៖ Goal