ក្លឹបហង្សក្រហម Liverpool កាន់តែចុះខ្សោយនៅប្រព័ន្ធការពារ ដោយក្រៅពីការសម្រាកព្យាបាលរបស់ Virgil van Dijk ជាកីឡាករលេងនៅតំណែងការពារកណ្តាលដ៏សំខាន់ ថ្មីៗនេះក៏ស្រាប់តែបានដំណឹងថា Fabinho ដែលជាអ្នកជំនួស Role ក៏រងរបួសថែមមួយទៀត។
ប៉ុន្តែរបួសរបស់ Fabinho តាមការត្រួតពិនិត្យដំណាក់កាលដំបូង ផ្នែកសរសៃពួររបស់គេគឺមិនប៉ះពាល់ធ្ងន់ធ្ងរនោះទេ ពោលគឺមិនទាមទារការសម្រាករយៈពេលច្រើនខែឡើយ ដោយអាចថាប៉ុន្មានសប្តាហ៍កំឡុងពេល International Break នាខែវិច្ឆិកានេះប៉ុណ្ណោះ។
របាយការណ៍ពី The Mirror ចុះផ្សាយ Fabinho អាចជានឹងអវត្តមាននៅប្រកួតសំខាន់ ៣ មានដូចជាពេលប៉ះ West Ham United នៅ PL ប៉ះ Atalanta BC នៅ UCL និងប៉ះ Man City នៅ PL ហើយទំនងត្រលប់មកវិញនៅថ្ងៃទី ២១ វិច្ឆិកាពេលជួប Leicester City។
លោក Klopp ប្រហែលនឹងឈឺក្បាលខ្លាំងនៅប្រព័ន្ធការពារនេះ ខណៈ Joel Matip ក៏មិនទាន់រៀបចំខ្លួនស្រួលបួលទៀត បែបនេះការជ្រើសរើស Joe Gomez ទំនងត្រូវធ្វើជាចាំបាច់ហើយសម្រាប់ការប៉ះក្រុមញញួរនៅពេលខាងមុខ៕
ប្រភព៖ Sportsmole