ក្រុមអ្នកមានបារាំង PSG បានយកឈ្នះលើក្រុម Istanbul Basaksehir ក្នុងលទ្ធផល ២-០ សម្រាប់ការប្រកួតពានរង្វាន់ UEFA Champions League ។
ក្រុម PSG រកបាន២គ្រាប់នៅយប់មិញនេះ គឺកើតចេញពី Kean ទាំងអស់នៅនាទី៦៤ និង៧៩។ យ៉ាងណាមិញ ជាមួយលទ្ធផលល្អប្រសើរនេះ ក្រុម PSG ក៏នឹងបាត់បង់ខ្សែប្រយុទ្ធឆ្នើមប្រចាំក្រុម Neymar ជាច្រើនប្រកួតផងដែរ។ រូបគេត្រូវបានប្ដូរចេញនៅតង់ទី១ ក្រោយពីរកឃើញថាមានរបួសជើង។
បើតាមលោក Tuchel ដែលជាអ្នកចាត់ការក្រុម PSG បានអះអាងថា៖ “គាត់អាចនឹងអវត្តមាន២ទៅ៣ប្រកួត។ ខ្ញុំសង្ឃឹមថាវាមិនមានអ្វីធ្ងន់ធ្ងរទេ ហើយយើងនឹងរង់ចាំមើលទាំងអស់គ្នា ថាគាត់នឹងឆាប់ជាសះស្បើយបាននៅពេលណា”៕
ប្រភព៖ DailyMail