ក្រុម Real Madrid បានចែកគ្នាម្នាក់មួយពិន្ទុជាមួយក្រុម Borussia Monchengladbach ក្រោយពីលេងបានត្រឹមស្មើគ្នាក្នុងលទ្ធផល ២-២ ប៉ុណ្ណោះនៅយប់មិញនេះ។
ម្ចាស់ផ្ទះ Borussia Monchengladbach បានបើកការនាំមុខបានមុនដល់ទៅ២គ្រាប់ឯណោះ ប៉ុន្តែគួរឱ្យសោកស្ដាយពួកគេបានរបូតគ្រាប់បាល់វិញនៅចុងម៉ោងដល់ទៅ២គ្រាប់ធ្វើឱ្យ Real Madrid យកបាន១ពិន្ទុត្រលប់មកវិញ។ ការបាន១ពិន្ទុនេះហើយ ជាក្ដីសង្ឃឹមសម្រាប់ក្រុមលោក Zidane ក្នុងការប្រកួតបន្ដបន្ទាប់ទៀត។
អ្នកចាត់ការ Zidane មើលឃើញទម្រង់លេងរបស់កូនក្រុមល្អជាងការប្រកួតមុនទៅទៀត។ ដោយលោកអះអាងថាឱ្យតែក្រុមប្រឹងប្រែងដូចប្រកួតនេះ នោះឱកាសឡើងទៅវគ្គបន្ទាប់ទៀតប្រាកដជាកើតមានឡើងជាក់ជាមិនខាន៕
ប្រភព៖ Marca