Bartomeu៖ “ខ្ញុំ​រីករាយ​នឹង​ការ​ចាកចេញ​ពី​តំណែង​ប្រធាន​ក្លឹប Barcelona”

ប្រធាន​ក្លឹប​លោក Josep Maria Bartomeu និង​ក្រុមប្រឹក្សាភិបាល​បាន​សម្រេច​ធ្វើ​ការ​ចាកចេញ​ពី​តំណែង​ជា​ប្រធាន​ក្លឹប Barcelona ត្រឹម​ថ្ងៃ​នេះ​ហើយ។ វា​ជា​រឿង​ភ្ញាក់ផ្អើល​មួយ ដែល​រំលង​ត្រឹម​មួយ​ថ្ងៃ ​ក្រោយ​លោក Bartomeu និយាយ​ថា គ្មាន​បំណង​ចង់​ចុះចេញ​ឡើយ។

អ្នក​ជំនួញ​សញ្ជាតិ​កាតាឡាន់​បាន​មក​ចូល​ដឹកនាំ Barcelona រយៈ​ពេល​ជាង ៥ ឆ្នាំ​មក​ហើយ ប៉ុន្តែ​ភាព​រកាំរកូស​នា​រយៈ​ពេល​ចុង​ក្រោយ ហាក់​កើត​មាន​ឥត​ឈប់ ជា​ពិសេស​គឺ​ជាមួយ​កីឡាករ​ឆ្នើម Lionel Messi។

ថ្លែង​នៅ​សន្និសីទ​សារព័ត៌មាន លោក Bartomeu និយាយ៖ “​ក្រុមប្រឹក្សាភិបាល​និង​ខ្ញុំ​គឺ​ពេញ​ចិត្ត​នឹង​ការ​សម្រេច​ចិត្ត​មួយ​នេះ”។

យ៉ាងណាមិញ មិនទាន់មានការបញ្ជាក់ថានរណាជាប្រធានក្លឹបថ្មីនៅឡើយ ស្របពេលដែលការបោះឆ្នោតជ្រើសរើសប្រធានថ្មីពីដំបូងត្រូវកំណត់ធ្វើឡើងនាខែមិនា ឆ្នាំ ២០២១ ឯណោះ៕

ប្រភព៖ Marca

ភ្ជាប់ទំនាក់ទំនងជាមួយ CTS SPORT