អ្នកចាំទី Thibaut Courtois មិនបានទៅហ្វឹកហាត់ជាមួយសមាជិកក្រុមដទៃទៀតឡើយ ក្រោយពីរូបគេបានបញ្ជាក់ថាចង់ចាកចេញពី Chelsea នារដូវកាលនេះ។
ក្លឹប Chelsea កំពុងបើកការចរចាជាមួយ Real Madrid ក្នុងការលក់អ្នកចាំទីខាងលើនេះចេញ ឱ្យបានមុនថ្ងៃបិទទីផ្សារដោះដូរកីឡាករនៅថ្ងៃព្រហស្បតិ៍នេះ។ ស្របពេលដែលសាមីខ្លួនផ្ទាល់ លែងទៅហ្វឹកហាត់ជាមួយក្រុមទៅហើយនៅថ្ងៃនេះ ដើម្បីជាការជំរុញឱ្យការផ្ទេរចេញកាន់តែឆាប់សម្រេចឡើង។ Courtois បានបង្ហាញថាខ្លួនចង់ចាកចេញនេះ តាំងពីចប់ World Cup 2018 ភ្លាមម្ល៉េះ ដោយរូបគេបញ្ជាក់ថាចង់ទៅលេងនៅ Madrid ដើម្បីបានជុំគ្រួសារដែលកំពុងរស់នៅទីនោះ។
ជាមួយគ្នានឹងការចង់ចាកចេញរបស់អ្នកចាំ ទីដៃទី១នេះដែរ ក្រុមតោខៀវ កំពុងប្រមាញ់រកអ្នកចាំទីថ្មីដោយដាក់គោលដៅអ្នកចាំទី៤នាក់រួមមាន Jan Oblak របស់ Atletico Madrid, Kasper Schmeichel របស់ក្រុម Leicester City , Jack Butland របស់ក្រុម Stoke និង Sergio Rico របស់ក្រុម Sevilla ៕ប្រភព៖ DailyMail