ខ្សែប្រយុទ្ធចាស់វស្សា Zlatan Ibrahimovic នៅតែមានទម្រង់លេងល្អដដែល ដោយរកបាន២គ្រាប់ម្នាក់ឯងជួយក្រុម AC Milan លេងស្មើ Roma ៣-៣ ពានរង្វាន់ Serie A នៅយប់មិញនេះ។
គ្រាន់តែបើកការប្រកួតភ្លាម Zlatan រកបាន១គ្រាប់ទៅហើយ នៅនាទីទី ២។ តែនៅនាទី១៤ Dzeko ក៏រកតាមបានស្មើវិញដើម្បីបញ្ចប់តង់ទី១ស្មើគ្នា ១-១។ ឈានដល់តង់ទី២ នាទី៤៧ Saelemaekers រកបើកការនាំមុខលើ Roma ជាថ្មី តែនៅនាទី៧១ ក៏ស្រាប់តែ Veretout បានប៉េណាល់ទី១គ្រាប់វិញ ស្មើគ្នា ២-២ ទៀត។ ក្រោយពី Veretout បានប៉េណាល់ទីហើយ ៨នាទីបន្ទាប់មកទៀត Zlatan ក៏បានប៉េណាល់ទី១គ្រាប់វិញ បើកការនាំមុខជាថ្មី មុនពេល Kumbulla រកបានតាមស្មើវិញ នៅនាទី៨៤។
ចប់ការប្រកួត AC Milan មិនអាចរក៣ពិន្ទុពីក្រុម Roma បានឡើយ ពោលគឺស្មើគ្នា ៣-៣ ប៉ុណ្ណោះ។ ទោះមិនឈ្នះមែន ប៉ុន្តែក្រុម AC Milan បន្ដឈរនៅកំពូលតារាង Serie A ដដែល ដោយ៥ប្រកួត ឈ្នះ៤ស្មើ១ មាន១៣ពិន្ទុ៕
ប្រភព៖ DailyMail