ខ្សែប្រយុទ្ធ Son Heung-min រកបាន១គ្រាប់ជួយក្រុម Spurs យកឈ្នះលើក្រុម Burnley ក្នុងលទ្ធផល ១- ០ក្នុងពានរង្វាន់ English Premier League នៅយប់មិញនេះ។
ក្រុមរបស់លោក Jose Mourinho សម្រាប់ការប្រកួតនេះ ដាក់កីឡាករពេញជើងល្អណាស់ដើម្បីយក៣ពិន្ទុ។ ដោយឡែកនៅតង់ទី១ មិនមានគ្រាប់បាល់កើតឡើងនោះទេ ដោយត្រូវរង់ចាំដល់នាទី៧៦ឯណោះទើបមានគ្រាប់បាល់កើតឡើង ដោយ Son ជាអ្នកធ្វើសម្រេច ក្រោយទទួលបានបាល់ពី Harry Kane ។ ៣ពិន្ទុបន្ថែមនេះ បានធ្វើឱ្យ Spurs ឡើងដល់លេខ៥ហើយ ក្នុងតារាងឆ្លងកាត់៦ប្រកួត។
សម្រាប់១គ្រាប់របស់កីឡាករកូរ៉េខាងត្បូងវិញ ក៏បានធ្វើឱ្យរូបគេក្លាយជា Top Scorer បណ្ដោះអាសន្នសិនដែរ ដោយមាន៨ពិន្ទុ តាមពីក្រោយដោយ Calvert-Lewin របស់ Everton មាន៧គ្រាប់៕
ប្រភព៖ DailyMail