ក្រុមកាំភ្លើងធំ Arsenal បានបរាជ័យក្នុងដីខ្លួនឯងក្រោមថ្វីជើងក្រុម Leicester City ក្នុងលទ្ធផល ១-០ កាលពីយប់មិញនេះ។
សម្រាប់ការប្រកួតនេះដែរ លោក Arteta អ្នកចាត់ការក្រុមកាំភ្លើងធំ មិនសប្បាយចិត្តជាមួយការសម្រេចរបស់អាជ្ញាកណ្ដាល និងក្រុមបច្ចេកទេស VAR នោះទេ។ លោកអះអាងថាមិនដឹងថាក្រុមអាជ្ញាកណ្ដាលគិតយ៉ាងណា ដែលបានច្រានចោលគ្រាប់បាល់របស់ Lacazette ដែលធ្វើបានសម្រេចនៅតង់ទី១នោះ។ ខណៈដែល១គ្រាប់នេះ គឺមិនមានកំហុសអ្វីនោះទេ។
Arteta បានបន្ថែមថា៖ “ខ្ញុំពិតជាអស់សង្ឃឹមខ្លាំងណាស់។ យើងមានវាក្នុងដៃទៅហើយនៅតង់ទិ១ ប៉ុន្តែខ្ញុំមិនដឹងយ៉ាងមិចទើបគ្រាប់បាល់នោះមិនឱ្យទៅវិញ។ ដោយស្មោះយើងលេងបានល្អណាស់នៅតង់ទី១ យើងបានបិទពួកគេមិនឱ្យធ្វើអ្វីបាននោះទេ។ យើងថែមទាំងរកគ្រាប់បាល់បានទៀត ប៉ុន្តែពួកគេមិនឱ្យយើងទៅវិញ។ ខ្ញុំមិនយល់ពីបច្ចេកទេសរបស់ក្រុមអាជ្ញាកណ្ដាលទេ”៕
ប្រភព៖ DailyMail