ក្រុម Leicester City បានយកឈ្នះលើក្រុមកាំភ្លើងធំ Arsenal ក្នុងលទ្ធផល ១-០ សម្រាប់ការប្រកួតពានរង្វាន់ English Premier League នៅយប់មិញនេះ។
ក្រុមកាំភ្លើងធំ លេងក្នុងដីខ្លួនឯងធ្វើមិនបានល្អនោះទេ ដោយបរាជ័យក្រោមថ្វីជើង Leicester City ក្នុងលទ្ធផល ១-០។ ដោយ១គ្រាប់ក្នុងការប្រកួតនោះ ធ្វើបានដោយខ្សែប្រយុទ្ធ Vardy នៅនាទី៨០។ ខណៈដែលក្រុមកាំភ្លើងធំវិញ សម្រុកវិញដែរ តែមិនមានឱកាសរកបានគ្រាប់បាល់ឡើយ។
លោក Rodgers អ្នកចាត់ការក្រុម Leicester City បាននិយាយក្រោយចប់ការប្រកួតថា៖ “Vardy ជាខ្សែប្រយុទ្ធលំដាប់ពិភពលោក ហើយយើងមានសំណាងដែលមានគាត់ក្នុងក្រុម។ គ្រប់ការប្រកួត គាត់គឺជាកីឡាករដែលស្វែងរកឱកាសរកគ្រាប់បាល់ជានិច្ច។ គាត់មិនសប្បាយចិត្តឡើយ ប្រសិនបើគាត់មិនអាចរកគ្រាប់បាល់បាន”៕
ប្រភព៖ DailyMail