ក្លឹបបឹងកេតបានរក្សាកំណត់ត្រាមិនស្គាល់ពាក្យថា “ចាញ់” នៅបញ្ចប់រដូវកាលឆ្នាំ ២០២០ ក្រោយពីបានស្មើ ១-១ទល់ក្លឹបភ្នំពេញក្រោនកាលពីយប់ថ្ងៃអាទិត្យកន្លងទៅ។ ជាមួយលទ្ធផលដ៏ល្អនេះបានរុញឲ្យបឹងកេត ក្លាយឈ្មោះជាក្រុមឈ្នះជើងឯកលីគកំពូលកម្ពុជា មាន ៤១ ពិន្ទុ។
រូបភាព៖ Boeung Ket Football Club
ផ្សាភ្ជាប់ជាមួយជ័យជម្នះខាងលើ ក្រៅពីអ្នកគាំទ្រធ្វើការអបអរសាទរដល់ក្លឹប ក៏មានមតិជាច្រើនបានសរសើរមិនដាច់ពីមាត់នូវការដឹកនាំដ៏ល្អ របស់លោកស្រី ពុធ ធីតា ដែលជាប្រធានក្លឹប ហើយបានក្លាយជាប្រធានក្លឹបស្រ្តីដំបូងបង្អស់ដែលបានឈ្នះពានលីគកំពូលកម្ពុជា។
រូបភាព៖ Boeung Ket Football Club
នេះបានសបង្ហាញពីមោទនភាពដ៏ធំធេងមួយសម្រាប់ស្រ្តីកម្ពុជា ដែលមានបេះដូងនិងឆន្ទៈស្រលាញ់កីឡា ហើយព្រមលះបង់នូវធនធានថវិកានិងពេលវេលាផ្ទាល់ខ្លួន រហូតដល់អាចសម្រេចធ្វើបាននូវរឿងដ៏អស្ចារ្យមិនចាញ់បុរស៕