ក្លឹប Juventus បានខ្ទាតឈ្មោះទៅឈរនៅលេខ ៥ ក្នុងតារាងបន្ទាប់ពីបានត្រឹមស្មើជាមួយក្លឹប Verona ក្នុងលទ្ធផល ១-១ កាលពីយប់មិញ។ ការបាត់បង់ឱកាសយកបាន ៣ ពិន្ទុ រុញឲ្យសេះបង្កង់មានត្រឹម ៩ ពិន្ទុនៅចាញ់ ៣ ពិន្ទុធៀបនឹងក្រុមកំពូលតារាង AC Milan។
តាមពិតទៅ Juventus ក៏មានឱកាសស៊ុតចេញច្រើនដែរ តែការបញ្ចប់ទីមិនបានល្អ គ្រាដែលអវត្តមានខ្សែប្រយុទ្ធដ៏សំខាន់គឺ Cristiano Ronaldo។ ការរៀបប្រព័ន្ធលេង ៣-៥-២ ដោយប្រើប្រាស់ Dybala និង Morata នៅប្រយុទ្ធ ក្រុមដឹកនាំដោយលោក Pirlo ស៊ុតចេញបាន ២២ លើក តែចំគោលដៅ ៦ លើក សម្រេចបានមួយគ្រាប់ប៉ុណ្ណោះ។
គ្រាប់បាល់នោះធ្វើបានដោយកីឡាករ Dejan Kulusevski នៅនាទី ៧៧ ដែលជាការតាមស្មើវិញ ក្រោយកីឡាករ Andrea Favilli របស់ Verona ស៊ុតនាំមុខមុននៅនាទី ៦០។
ទស្សនាវីដេអូខាងក្រោម៖
ប្រកួតបន្ទាប់ Juventus ត្រូវប៉ះ Barcelona ក្នុងទឹកដីរបស់ខ្លួនឯង ហើយគេកំពុងរង់ចាំមើលថា CR7 អាចជាសះស្បើយឬយ៉ាងណា៕