នៅការប្រកួត El Clasico កាលពីយប់មិញ និងជាលើកទី ៦ សម្រាប់ Lionel Messi ក្រោយពេលដែល Cristiano Ronaldo ចាកចេញពី Real Madrid សម្រាប់កីឡាករអាហ្សង់ទីននៅតែមិនអាចសម្រេចទីបានដដែល។
ក្រោមបរាជ័យ ៣-១ M10 បានត្រឹមខកចិត្តជាមួយក្រុមដែលបាត់បង់ ៣ ពិន្ទុប៉ុណ្ណោះ។ លើកចុងក្រោយដែល Messi រកបានគ្រាប់បាល់ទល់ Los Blancos គឺនៅពេលស្មើ ២-២ ក្នុងការប្រកួតជុំទី ៣៦ នៅឯកីឡដ្ឋាន Camp Nou នាខែឧសភា នៅរដូវកាល ២០១៧/១៨។
ចាប់តាំងពីពេលនោះមក ក៏ជាពេលដែលលែងមានវត្តមានរបស់ CR7 ក្នុងក្របខ័ណ្ឌ LaLiga ហើយក៏ជាពេលដែល M10 មិនអាចរកបានគ្រាប់បាល់នៅ Clasico តទៅទៀតដែរ។
បញ្ជាក់ថា រដូវកាល ២០២០/២១ នេះ Messi ធ្វើមិនសូវបានល្អឡើយសម្រាប់បើករដូវកាលដំបូង ដោយ ៦ ប្រកួត រកបានត្រឹម ២ គ្រាប់និង Assist ៣ លើកដែលជាស្ថិតិនៅទាបជាងយុវជនឡើងជើង Ansu Fati ទៅទៀត៕
ប្រភព៖ Marca