លោក Ronald Koeman អ្នកចាត់ការក្រុម Barcelona មិនពេញចិត្តជាមួយការសម្រេចផ្ដល់បាល់ប៉េណាល់ទីទៅឱ្យក្រុម Real Madrid ឡើយក្នុងការប្រកួតនៅយប់មិញនេះ។ក្រុម Barcelona បានបរាជ័យក្រោមថ្វីជើងក្រុម Real Madrid ក្នុងលទ្ធផល ៣-១ ក្នុងការប្រកួត La Liga នៅយប់មិញនេះ។
ក្នុងចំណោម៣គ្រាប់របស់ក្រុមអធិរាជស គឺមាន១គ្រាប់ជាបាល់ប៉េណាល់ទី ដែលផ្ដល់ឱ្យដោយ VAR ក្រោយពី Ramos ព្យាយាមតវ៉ា។ ខណៈដែល១បាល់នេះដែរ ជាគ្រាប់បាល់ផ្លាស់ប្ដូរការប្រកួតទាំងមូលតែម្ដង។
បើតាមការមើលឃើញរបស់លោក Koeman បញ្ជាក់ថានេះមិនសមជាបាល់ប៉េណាល់ទីឡើយ។ Ramos មិនត្រូវបានរំខានច្រើននោះទេ ដូច្នេះ VAR មិនគួរពិនិត្យត្រង់កន្លែងនេះ និងផ្ដល់ការពិន័យជាបាល់ប៉េណាល់ទីឡើយ។ អ្នកចាត់ការហុល្លង់ខាងលើក៏មើលឃើញទៀតថា VAR តែងតែប្រឆាំងជានិច្ចជាមួយក្រុម Barcelona តាំងពីដើមរដូវកាលមក៕
ប្រភព៖ Marca