ម្សិលមិញនេះ Cristiano Ronaldo បានធ្វើតេស្ដជាលើកទី២ រកឃើញថារូបគេនៅតែមានមេរោគកូវីដ១៩ក្នុងខ្លួនដដែល ធ្វើឱ្យការប្រកួតទល់ Barcelona ទំនងជាមិនអាចលេងបានឡើយ។
យ៉ាងណាមិញ ក្រុម Juventus ក៏បានសរសេរលិខិតទៅកាន់ UEFA ដើម្បីបញ្ជាក់ថា Ronaldo មានសុខភាពល្អជាធម្មតា បើទោះជាតេស្ដរកឃើញថាវិជ្ជមានក៏ដោយ។ ពួកគេស្នើឱ្យមានការធ្វើតេស្ដជាលើកទី៣ម្ដងទៀតនៅពេលខាងមុខនេះ ដើម្បីបញ្ជាក់ឱ្យច្បាស់ថាតើ Ronaldo អាចលេងបានដែរឬក៏អត់។ ខណៈដែលអ្នកគាំទ្រជាច្រើនចង់ឃើញ Ronaldo បង្ហាញវត្តមានលេងទល់ Messi ជាថ្មីម្ដងទៀត។
ដោយសូម្បីតែ Messi ផ្ទាល់ក៏ចង់ឃើញអតីតកីឡាករ Real Madrid រូបនេះអាចចូលលេងនៅថ្ងៃពុធសប្ដាហ៍ក្រោយផងដែរ។ ប្រធានក្រុម Barcelona រូបនេះ បាននិយាយថា៖ “គ្រប់ការប្រកួតដែលមាន Cristiano គឺតែងតែពិសេសជានិច្ច។ យើងបានជួបគ្នាជាច្រើនលើកមកហើយនៅអេស្ប៉ាញ ហើយសុទ្ធតែជាប្រកួតពិសេសៗ។ ខ្ញុំចង់ជួបម្ដងទៀតនៅសប្ដាហ៍ក្រោយ ខ្ញុំជូនពរគាត់ឱ្យបានឆាប់ជាសះស្បើយ និងមានវត្តមានក្នុងការប្រកួត”៕
ប្រភព៖ DailyMail