ខ្សែបម្រើ Bruno Fernandes ថ្មីៗនេះ បានបង្ហាញការយល់ឃើញពាក់ព័ន្ធនឹងមិត្តរួមទ្រនំនៅ Man Utd មួយរូប ដែលលោកពេញចិត្តនឹងការលេងជាមួយខ្លាំងបំផុត ហើយនោះគឺជា Juan Mata។
អ្នកទាំងពីរសុទ្ធសឹងតែជំនាញការលេងនៅតំណែងបម្រើប្រយុទ្ធ AMF ដូចគ្នានៅលើទីលាន ហើយថ្លែងប្រាប់ Manchester Evening News អតីតកីឡាករនៅ Sporting និយាយថា៖ “តាមពិតទៅពេលហ្វឹកហាត់លើទីលាន យើងបានស្គាល់ពីគ្នាច្បាស់ និងដឹងអំពីការលេងរបស់ពួកគេ”។
លោកបន្ត៖ “បើសួរខ្ញុំថានរណាខ្ញុំចូលចិត្តលេងជាមួយបំផុត នោះគឺ Juanដោយខ្ញុំគិតថាគាត់ជាកីឡាករមានភាពឆ្លាតវៃបំផុត គាត់ដឹងពីអ្វីដែលខ្ញុំចង់បាន និងអ្វីដែលខ្ញុំចង់លេង ហើយគាត់ពិតជារហ័សខ្លាំងណាស់”។
រំឭកថា Fernandes ក៏ជាចំណែកដ៏សំខាន់ដែលបានជួយឲ្យបិសាចយកឈ្នះទៅលើក្លឹបសេដ្ឋីនៅទីក្រុងប៉ារីស ក្រោមលទ្ធផល ២-១ សម្រាប់វគ្គចែកពូល ជុំទី ១ UEFA Champions League កាលពីយប់មិញ៕
ប្រភព៖ SoccerLaduma