ដោយសារតែតោខៀវ Chelsea ហាក់ដូចជាមានវិបត្តិច្រើនជាមួយតំបន់អ្នកចាំទី ស្រាប់តែពេលនេះពួកគេបានដាក់ឈ្មោះPetr Cech ក្នុងបញ្ជីកីឡាករត្រៀមលេង Premier League វិញហើយ។
បុរសវ័យ៣៨ឆ្នាំខាងលើនេះបានប្រកាសចូលនិវត្តន៍កាលពីឆ្នាំ២០១៩កន្លងទៅ ក្រោយពីចំណាយពេល១រដូវកាលចុងក្រោយលេងឱ្យ Arsenal ។ បន្ទាប់ពីប្រកាសចូលនិវត្តន៍ហើយ ក្រុម Chelsea ក៏បានតែងតាំងរូបលោកជាអ្នកណែនាំបច្ចេកទេសប្រចាំក្លឹបវិញ។ ការវិវឌ្ឍចុងក្រោយនេះទៀត លោក Lampard ក៏បានបញ្ចូលឈ្មោះ Petr Cech ក្នុងបញ្ជីកីឡាករអាចលេងនៅនៅក្របខណ្ឌកំពូលអង់គ្លេសតែម្ដង។
ក្លឹប Chelsea បានចេញលិខិតប្រកាសជាផ្លូវការថា Petr Cech នឹងក្លាយជាអ្នកចាំទីបណ្ដោះអាសន្នរបស់ក្លឹបនៅរដូវកាលនេះ។ ដូច្នេះរូបគេអាចមានវត្តមានលេងក្នុងការប្រកួតបាន ប្រសិនបើ Chelsea ដាក់ឱ្យលេង៕
ប្រភព៖ DailyMail