Arturo Vidal បានបង្ហាញមុខជាផ្លូវការហើយឱ្យក្លឹប FC Barcelona ក្រោយផ្ទេរពីក្លឹប Bayern Munich ក្នុងតម្លៃខ្លួន២៧លានផោន។
ក្នុងថ្ងៃបង្ហាញខ្លួនជាលើកដំបូងនេះដែរ Vidal បានប្រាប់ទៅអ្នកកាសែតថា៖ “វាជាក្ដីស្រមៃដែលក្លាយជាការពិត។ ខ្ញុំសង្ឃឹមថានឹងសម្រេចក្ដីបំណងរបស់ខ្ញុំ។ ខ្ញុំមកទីនេះ ដើម្បីឈ្នះពានរង្វាន់ទាំងអស់ដែលយើងអាចឈ្នះពាន និងលេងនៅរដូវកាលក្រោយនេះ។ ខ្ញុំនឹងផ្ដល់គ្រប់យ៉ាងដែលមាន ដើម្បីជួយក្លឹបទទួលបានជោគជ័យ។ កុងត្រា៣ឆ្នាំរបស់ខ្ញុំ ខ្ញុំសង្ឃឹមថានឹងឈ្នះពានរង្វាន់ទាំងអស់”។
វត្តមានរបស់ Vidal នេះ គឺក្លឹប Barcelona ទិញយកដើម្បីមកជំនួសតំណែងបម្រើកណ្ដាលរបស់ខ្លួន ក្រោយពីក្លឹបបានបាត់បង់កីឡាករសំខាន់២រូប គឺ Andres Iniesta និង Paulinho។ រូបគេនឹងត្រូវលេងសហការគ្នាជាមួយខ្សែបម្រើ២រូបដែលក្លឹបមានស្រាប់គឺ Sergio Busquets និង Ivan Rakitic៕ប្រភព៖ DailyMail