ក្រុមបិសាចក្រហម Manchester United នៅតែបន្ដយកឈ្នះលើក្រុម PSG បានដដែលនៅទឹកដីបារាំងក្នុងលទ្ធផល ២-១ ក្នុងក្របខណ្ឌ UEFA Champions League ។
Bruno បានបើកការនាំមុខឱ្យក្រុមបិសាចក្រហមបានមុននៅតង់ទី១ ដោយការទាត់បាល់ប៉េណាល់ទី ត្រឹមនាទី២៣។ តែឈានដល់តង់ទី២វិញ ក្រុម PSG អាចតាមស្មើវិញបាន ដោយ Martial ធ្វើឱ្យចូលទីខ្លួនឯង។ ការប្រកួតឈានដល់នាទី៨០ជាងទៅហើយ Rashford នៅតែជាតួអង្គសំខាន់ រកបាន១គ្រាប់ទៀត ដើម្បីឱ្យ Man Utd យកឈ្នះលើក្រុម PSG បានក្នុងលទ្ធផល ២-១។
រំលឹកថានេះជាលើកទី២ហើយ ដែល Rashford រកបានគ្រាប់បាល់ចុងក្រោយ ជួយក្រុម Man Utd យកឈ្នះក្រុម PSG បាននៅទឹកដីបារាំង នាពានរង្វាន់ UEFA Champions League ៕
ប្រភព៖ DailyMail