លោក Ronald Koeman ថាក្រុម FC Barcelona របស់លោកនៅរដូវកាលនេះ មិនមែនជាក្រុមសង្ឃឹមឈ្នះពានរង្វាន់ UEFA Champions League ខ្ពស់នោះទេ។
ក្រុមអ្នកមានបុណ្យ នឹងត្រូវធ្វើការប្រកួតទល់ក្រុម Ferencvaros ក្នុងការប្រកួតបើកឆាកពានរង្វាន់ UEFA Champions League នៅរាត្រីនេះ។ ប៉ះក្រុមមិនសូវខ្លាំងមួយនេះ ក្រុមអ្នកមានបុណ្យហាក់ដូចជាមិនពិបាកនោះទេ ប៉ុន្តែលោក Koeman បានបញ្ជាក់ថាក្រុម Barcelona រដូវកាលនេះ គឺមិនមែនជាក្រុមភាគរយច្រើនលើកពាន UCL ទេ។
បុរសសញ្ជាតិហុល្លង់ខាងលើបាននិយាយថា៖ “នៅក្រុម Barcelona អ្នកត្រូវលេងដើម្បីឈ្នះពានក្នុងលីគ និងតំបន់។ ប៉ុន្តែនៅតំបន់មានក្រុមខ្លាំងៗជាច្រើន ហើយយើងត្រូវតែប្រឹងប្រែងអស់ពីសមត្ថភាព។ បន្ទាប់ពីមានរឿងជាច្រើនបានកើតឡើងនៅក្នុងក្លឹបយើង យើងមិនមែនជាក្រុមភាគរយខ្ពស់នោះទេ ប៉ុន្តែយើងនឹងទៅឱ្យបានឆ្ងាយបំផុតក្នុងពាននេះ”៕
ប្រភព៖ Marca