ក្រោយពីចំណាយអស់១៧៧លានផោនក្នុងការទិញយកកីឡាករថ្មី ក្លឹប Liverpool បានដាក់គោលដៅយកពានរង្វាន់លីគកំពូលអង់គ្លេសឱ្យបាន។
គិតត្រឹមពេលនេះ ក្លឹបដែលចំណាយច្រើនជាងគេគឺ Liverpool នេះឯង ស្របពេលក្លឹបធំៗដទៃទៀត ហាក់ដូចជាស្ងាត់ក្នុងការទិញកីឡាករថ្មីចូលខ្លាំងណាស់។ សមត្ថភាពកីឡាករថ្មី និងទម្រង់លេងរបស់ក្រុមហង្សក្រហមបច្ចុប្បន្ន ត្រូវបានគេគ្រប់គ្នាទទួលស្គាល់ថាខ្លាំង ត្បិតអីកីឡាករសំខាន់រដូវកាលមុនមិនលក់ចេញ ហើយថែមទាំងទិញចូលកីឡាករតាមតំបន់នានាដែលលេងមិនសូវបានល្អនៅរដូវកាលចាស់ថែមទៀត។
លោក Klopp អ្នកចាត់ការរបស់ក្រុម Liverpool ធ្លាប់បានដាក់គោលដៅរួចជាស្រេចថានឹងយកពានយ៉ាងតិច១នៅរដូវកាលថ្មីខាងមុខ ដើម្បីជូនអ្នកគាំទ្រសប្បាយចិត្ត។ ជាមួយគ្នានេះដែរ បុរសសញ្ជាតិអាល្លឺម៉ង់ខាងលើនេះបាននិយាយជាថ្មីម្ដងទៀតទៅកាន់កីឡាករទាំងអស់ក្នុងក្រុម ដោយអះអាងថាឆ្នាំនេះជាឆ្នាំប្រជែងយកពាន Premier League ហើយ។ ការចំណាយទិញយកកីឡាករមកបំពេញចន្លោះប្រហោងក្នុងក្រុមបានគ្រប់គ្រាន់ ដូច្នេះវាដល់ពេលដែលក្រុមទាំងមូលត្រូវសហការគ្នាប្រជែងយកពានរង្វាន់ពីក្រុម Manchester City ហើយ។
Liverpool បានទិញយកអ្នកចាំទី Alisson ក្នុងតម្លៃខ្ពស់ជាងគេលើលោក ៦០លានផោន ដើម្បីរក្សាសំណាញ់ទីនៅរដូវកាលក្រោយ។ តំបន់បម្រើ ពួកគេបាននាំយក Fabinho និង Naby Keita ដើម្បីមកជួយជំរុញបន្ថែមកម្លាំងប្រយុទ្ធ។ ស្របពេលប្រយុទ្ធស្លាបវិញ Liverpool បានទិញយក Shaqiri កីឡាករមាឌតូច ល្បឿនលឿនថែមទៀត៕ប្រភព៖ DailyMail
Alisson
Fabinho និង Naby Keita