លោក Alexandre Gama គ្រូបង្វឹកក្រុម Muang Thong United បានលាឈប់ពីតំណែងក្រោយចាញ់ក្រុមភ្ញៀវ Trat FCក្នុងផ្ទះខ្លួនឯង១-០ នៃការប្រកួតលីគ Thai League (T1) សប្ដាហ៍ទី៩។
លទ្ធផលនេះធ្វើឱ្យ មឿងថង ឈរនៅចំណាត់ថ្នាក់លេខ ១០ ដោយដណ្តើមបានតែ ១០ ពិន្ទុប៉ុណ្ណោះពីការប្រកួត ៩ លើកដំបូងនៃយុទ្ធនាការ ២០២០-២១ ។ Gama បានបញ្ជាក់ថាគាត់នឹងចាកចេញពីក្លឹបនៅពេលកិច្ចសន្យារបស់គាត់ផុតកំណត់នៅក្នុងខែវិច្ឆិកា ប៉ុន្តែការបរាជ័យនៅថ្ងៃសៅរ៍នេះហាក់ដូចជាបានពន្លឿនការចាកចេញរបស់គាត់បន្ថែមទៀត។
គ្រូបង្វឹករសញ្ជាតិប្រេស៊ីលរូបនេះចាកចេញពីតំណែងក្រោយទទួលបានលទ្ធផលដ៏ជូរចត់ ប៉ុន្តែគាត់ត្រូវបានអ្នកគាំទ្រ Muang Thong ចងចាំស្នាដៃរបស់លោកនៅពេលដែលជួយក្លិបឡើងផុតពីតំបន់កាត់ចោលកាលពីរដូវកាល២០១៩។លោកបានឡើងកាន់តំណែងជំនួសគ្រូបង្វឹកសញ្ជាតិកូរ៉េខាងត្បូង Yoon Jong-hwan ដែលដឹកនាំក្លិបមិនអាចឡើងផុតពីតំបន់កាត់ចោលសឹងតែពេញមួយរដូវកាល៕
