ក្រុម Manchester City បានយកឈ្នះលើក្រុម Arsenal បានក្នុងលទ្ធផល ២-១ ក្នុងការប្រកួតពានរង្វាន់ English Premier League នៅយប់មិញនេះ។ ក្រៅពីលទ្ធផលនៃការប្រកួតនេះហើយ គេសង្កេតឃើញក្នុងការប្រកួតនេះខ្សែប្រយុទ្ធ Sergio Aguero ហាក់ដូចជាមានសំណាងណាស់ ដែលមិនទទួលបានការពិន័យលើសកម្មភាពរបស់ខ្លួន។
Aguero បានដើរទៅតវ៉ាជាមួយអាជ្ញាកណ្ដាលខ្សែបន្ទាត់ស្រីដែលបានផ្ដល់បាល់គប់ទៅឱ្យក្រុម Arsenal ។ ក្រោយពីតវ៉ាមិនបានហើយ រូបគេក៏យកដៃទៅអង្អែលស្មារបស់អាជ្ញាកណ្ដាលស្រីរូបនោះ ប៉ុន្តែមិនទទួលបានការពិន័យអ្វីនោះទេ។
ចំពោះរឿងនេះដែរ Pep អ្នកចាត់ការក្រុម Man City ក៏បានចេញមុខមកការពារកីឡាកររបស់ខ្លួនផងដែរ។ លោកបាននិយាយថា Aguero ជាបុរសសុភាពម្នាក់។ សកម្មភាពរបស់គេមិនមានចេតនានោះទេ ដោយគ្រាន់តែជាការស្វាគមន៍គ្នាប៉ុណ្ណោះ គ្មានអ្វីលើសនេះឡើយ៕
ប្រភព៖ DailyMail