តារាជប៉ុន Hiroki Akimoto ដែលជាអតីតកីឡាករឃីកបុកសីង ONE Super Series ទម្ងន់ flyweight បានប្រកួត ៣ ទឹកដ៏លំបាកដើម្បីទទួលជ័យជម្នះដោយពិន្ទុមិនឯកច្ឆន្ទក្នុងការបង្ហាញខ្លួនដំបូងនៅទម្ងន់ថ្មី bantamweight។
នេះជាជ័យជម្នះរបស់ Akimoto លើគូប្រជែងលំដាប់ទី៣ “Muay Thai Boy” Zhang Chenglong សម្រាប់ការប្រកួតគូឯកនៃព្រឹត្តិការណ៍ ONE: REIGN OF DYNASTIES II កាលយប់មិញថ្ងៃសុក្រទី ១៦ តុលា។ នៅទឹកដំបូង Akimoto និង Zhang បានស្ទាបស្ទង់តាមរយៈការទាត់ជើងដូចគ្នា, សាកកម្លាំងដៃ និងព្យាយាមធ្វើឲ្យគូប្រជែងរបួសដូចគ្នា។ ប៉ុន្តែការបោះជង្គង់ពី Muay Thai Boy” នៅពាក់កណ្ដាលទឹកដំបូងធ្វើកីឡាករជប៉ុនរឹតតែប្រុងប្រយ័ត្នខ្ពស់។
បន្ទាប់មកទៀត កីឡាករទម្ងន់ bantamweights បានចាប់ផ្ដើមលេងកណ្ដាប់ដៃវិញម្ដង ខណៈដែលZhang ដើរសំដៅចេញកណ្ដាប់ដៃ ហើយ Akimoto វាយតបតវិញដែរ។ ប៉ុន្តែសំណាងល្អចំពោះជើងខ្លាំងជប៉ុន ទោះបីរូបគេរងការទាត់ចំដងខ្លួនជាច្រើនក៏ដោយ។ “Muay Thai Boy” បន្តដាក់គោលដៅផ្ដួលម្ចាស់ជើងឯក WFKO Karate World Champion ដោយប្រើកណ្ដាប់ដៃ។
ការប៉ងវ៉ៃចេញកណ្ដាប់ដៃលើដងខ្លួនរបស់កីឡាករទាំងពីរធ្វើឲ្យសកម្មភាពរស់រវើកនៅទឹកទី២ ប៉ុន្តែ Zhang នៅតែដាក់សម្ពាធដើរចូលមិនខ្លាចរអា Akimoto នោះទេ។ Akimoto បានចេញកណ្ដាប់ដៃខាវចំ ៣ ដង ថែមទាំងការទាត់ខ្ពស់មានប្រសិទ្ធភាព។
កាន់តែភ្ញាក់ផ្អើល “Muay Thai Boy” នៅតែគឃ្លើន ប៉ុន្តែចូលអន្ទាក់របស់ Akimoto ញយៗតាមរយៈរន្ទះជើង។ពេលកីឡាករចិនទៅក្បែររេញ ជើងខ្លាំងជប៉ុនបន្តប្រើជើងក្នុងជំហរប្រយុទ្ធដដែល។ Zhang ចូលខាវឆ្វេងដើម្បីសម្លាប់ ប៉ុន្តែ កីឡាករជប៉ុន គេចផុត និង ប្រើស្នៀតវាយបកទៅវិញយ៉ាងល្អមើល។
គូនេះបានពន្យាររហូតដល់ទឹកចុងក្រោយ ហើយគូប្រជែងទាំងពីរសុទ្ធតែបង្ហាញឆន្ទៈដើម្បីស្វែងរកជ័យជម្នះរៀងៗខ្លួន។ Zhang បន្តដាក់សម្ពាធជាមួយនឹងការបោះកណ្ដាប់ដៃ និង ឡើងជង្គង់ ស្របពេល Akimoto ក៏មានស្នៀតកណ្ដាប់ល្អ និង វ៉ៃយកពិន្ទុលើដងខ្លួន។
ការខាវស្ដាំមួយដៃរបស់ “Muay Thai Boy” បានធ្វើឲ្យ Akimoto ផ្ងាកក្រោយ ហើយមិនយូរប៉ុន្មានកីឡាករចិនក៏បន្ថែមកណ្ដាប់ដៃទៀត។ យ៉ាងណាក្ដី កីឡាករមកពីក្លិប Evolve នៅរក្សាលំនឹងបាន និងបានបោះកណ្ដាប់ដៃនៅនាទីចុងក្រោយដូចព្យុះរហូតដល់បញ្ចប់ទឹក។ ទីបំផុត ចៅក្រមកាត់សេចក្ដីបានផ្ដល់ពិន្ទុឈ្នះមិនឯកច្ឆន្ទដល់ Akimoto។ ជ័យជម្នះនេះនាំឲ្យរូបគេកើនកំណត់ត្រាឈ្នះ ២២ ដង និង ចាញ់ម្ដងក្នុងអាជីព ហើយស្ថិតនៅចំណាត់ថ្នាក់កំពូលមួយនៃប្រភេទទម្ងន់នេះ។ នៅថ្ងៃអនាគតដ៏ខ្លី កីឡាករជប៉ុន អាចឈានទៅដណ្ដើមខ្សែក្រវាត់ឃីកបុកសីងពិភពលោក ONE Bantamweight ពី Alaverdi “Babyface Killer” Ramazanov ជាក់ជាមិនខាន៕