ក្រុម Spurs នៅយប់មិញនេះ បានប្រកាសពីការសម្រេចទិញបានខ្សែការពារ Joe Rodon ពីក្រុម Swansea City ក្នុងតម្លៃខ្លួន១៥លានផោន។
កីឡាករវ័យ២២ឆ្នាំខាងលើនេះ ជាកីឡាករទី៧ដែលក្រុមរបស់លោក Jose Mourinho ទិញចូលនារដូវកាលដោះដូរកីឡាករនេះ។ តម្លៃខ្លួនរបស់គេគឺ១១លានផោន បូកជាមួយប្រាក់បន្ថែម៤លានផោនទៀត សរុបទៅគឺ១៥លានផោន។ ម្ចាស់អាវលេខ១៤មួយនេះ បង្ហាញខ្លួនបាន៥៤ប្រកួតឱ្យក្រុម Swansea ប៉ុន្តែមិនមានបានរកគ្រាប់បាល់នោះទេ។
លោក Jose Mourinho បានប្រមូលកីឡាករច្រើននាក់មករួមក្រុមនារដូវកាលនេះ។ ពួកគេមានគោលដៅយ៉ាងតិចណាស់ក៏ត្រូវបានលេងពានរង្វាន់ UEFA Champions League ដែរនៅរដូវកាលក្រោយ៕ប្រភព Dailymail