លោក Ronald Koeman បានអះអាងថាខ្លួនជាអ្នកចាត់ការក្រុម ដូច្នេះការដាក់កីឡាករលេងនៅតំបន់ណាគឺជាសិទ្ធិរបស់លោក មិនអាចតាមតែចិត្តកីឡាករនោះទេ។
ការឆ្លើយតបរបស់លោក Koeman នេះកើតឡើង បន្ទាប់ពីខ្សែប្រយុទ្ធ Antoine Griezmann អះអាងថាខ្លួនលេងនៅក្រុម FC Barcelona គឺលេងខុសតំបន់ ទើបបានជាទម្រង់លេងមិនសូវល្អ។ ដោយលេងនៅក្លឹបគឺលេងនៅស្លាប ខណៈដែលលេងនៅជម្រើសជាតិវិញគឺលេងនៅតំបន់ប្រយុទ្ធកណ្ដាលតែម្ដង។
ចំពោះបញ្ហាកីឡាករមិនពេញចិត្តតំបន់លេងនេះដែរ លោក Koeman ដែលជាអ្នកចាត់ការបានអះអាងថា៖ “ខ្ញុំបាននិយាយជាមួយ Antoine ហើយ ខ្ញុំដាក់គាត់លេងនៅតំបន់ដែលល្អបំផុតសម្រាប់ក្រុមទាំងមូល។ ខ្ញុំមានសិទ្ធិជាអ្នកសម្រេច។ គាត់ជាកីឡាករល្អ គាត់អាចលេងបាន៣តំបន់ឯណោះ ”៕ប្រភព Dailymail
