ក្រុម Liverpool នឹងត្រូវតតាំងជាមួយក្រុម Everton នៅម៉ោង៦:៣០នាទីល្ងាចនេះហើយ សម្រាប់ការប្រកួតពានរង្វាន់ English Premier League ។
មុនការប្រកួតនោះចាប់ផ្ដើម លោក Jurgen Klopp អ្នកចាត់ការក្រុម Liverpool បាននិយាយពីកីឡាកររបស់ខ្លួនដែលទើបជាពីមេរោគកូវីដ១៩ថា៖ “Thiago និង Mane ជាសះស្បើយទាន់ល្មមសម្រាប់ការប្រកួតនេះ។ ពួកគេហាក់ដូចជាល្អជាងមិនទាន់ឆ្លងមេរោគទៅទៀត។ ពួកគេនឹងមានវត្តមានសម្រាប់ការប្រកួតដ៏សំខាន់មួយនេះ”។
រំលឹកថានៅរដូវកាលនេះ Everton ក្រោមការដឹកនាំរបស់លោក Carlo Ancelotti ពិតជាល្អមែនទែន។ ពួកគេកំពុងឈរកំពូលតារាង ដោយឆ្លងកាត់៤ប្រកួតឈ្នះទាំងអស់។ ស្របពេលក្រុម Liverpool វិញ ទើបបរាជ័យធ្ងន់កក្រោមថ្វីជើង Aston Villa ក្នុងលទ្ធផល ៧-២៕ប្រភព Dailymail