កំពូលអ្នកវាយក្នុងទ្រុង Conor McGregor បានប្រកាសនៅលើបណ្ដាញសង្គមរបស់ខ្លួនថានឹងឡើងសង្វៀន UFC វិញ ដោយប៉ះជាមួយ Dustin Poirier នៅដើមឆ្នាំក្រោយនេះ។
Conor McGregor បានប្រកាសចូលនិវត្ដន៍ពីសង្វៀនគុនជម្រុះកាលពីប៉ុន្មានខែមុននេះ។ តែក្រោយមកលោក Dana White ក៏បានផ្ដល់ឱកាសឱ្យរូបគេម្ដងទៀត ដើម្បីប្រកួតជាថ្មី។ ឱកាសមួយនោះ Conor ក៏យល់ព្រមជាមួយ ដោយឡើងប្រកួតវិញហើយនៅដើមឆ្នាំ២០២១ខាងមុខ អំឡុងចុងខែមករាតែម្ដង។
ដៃគូរបស់គេលើកនេះគឺ Dustin Poirier កីឡាករជើងខ្លាំងរបស់អាមេរិក។ ក្រោយពីចប់ការប្រកួតនៅដើមឆ្នាំនេះហើយ Conor នឹងបន្ដហ្វឹកហាត់បន្ថែមទៀត ព្រោះរូបគេនៅសល់ការប្រកួតជាមួយ Manny Pacquiao មួយទៀតផងដែរ៕
ប្រភព៖ DailyMail