ក្រុមជម្រើសជាតិអង់គ្លេស សម្រាប់ការប្រកួតនៅយប់មិញនេះ ធ្វើមិនបានល្អនោះទេ ដោយបានបរាជ័យក្រោមថ្វីជើងក្រុមដាណឺម៉ាកក្នុងលទ្ធផល ១-០ ពានរង្វាន់ UEFA Nations League។
សម្រាប់ការប្រកួតនេះ អង់គ្លេសបានបាត់បង់កីឡាករម្នាក់ គឺខ្សែការពារ Maguire នៅនាទី៣១ ក្រោយបង្កកំហុសរហូតទទួលបានកាតលឿង២ដង។ ក្រោយសល់គ្នា១០នាក់នេះហើយ ទើបដាណឺម៉ាកមានឱកាសរកបាន១គ្រាប់នៅនាទី៣៥ ដោយការទាត់បាល់ប៉េណាល់ទីរបស់ Eriksen ហើយនេះក៏ជាគ្រាប់បាល់ជ័យជម្នះក្នុងការប្រកួតផងដែរ។
បរាជ័យនេះបានធ្វើឱ្យក្រុមអង់គ្លេសធ្លាក់ដល់លេខ៣ឯណោះក្នុង Group នៃពានរង្វាន់ UEFA Nations League ដោយ៤ប្រកួតមាន៧ពិន្ទុ ស្មើជាមួយដាណឺម៉ាកដែរ ប៉ុន្តែមានគ្រាប់ស៊ុតចំណេញតិចជាង។ ក្រុមលេខ១ បានទៅលើបែលហ្សិកវិញ ដែលមាន៩ពិន្ទុឆ្លងកាត់៤ប្រកួតដែរ៕
ប្រភព៖ DailyMail