ក្រុមបាល់ទាត់ជម្រើសជាតិអេស្ប៉ាញ បានស្គាល់បរាជ័យលើកដំបូងហើយក្នុងរយៈពេល២ឆ្នាំមកនេះ ក្រោមថ្វីជើងក្រុមអ៊ុយក្រែនក្នុងលទ្ធផល ១-០ នៅពាន UEFA Nations League ។
សម្រាប់ការប្រកួតនេះ ក្រុមអេស្ប៉ាញគ្របលើក្រុមអ៊ុយក្រែនខ្លាំងមែនទែន ហើយស៊ុតចេញក៏ច្រើនជើងផងដែរ ប៉ុន្តែមិនអាចរកគ្រាប់បាល់បាននោះទេ។ ផ្ទុយទៅវិញ នៅនាទី៧០ជាង ក្រុមអ៊ុយក្រែនក៏មានឱកាសមាសម្ដង និងសម្រេចទីបានសម្រេចយកឈ្នះលើក្រុមអេស្ប៉ាញបានក្នុងលទ្ធផល ១-០ ក្នុងពានរង្វាន់ UEFA Nations League ។
ក្រោយចប់ការប្រកួតមានមតិខ្លះថា១គ្រាប់ដែលកើតមាននេះ គឺជាកំហុសរបស់ De Gea ប៉ុន្តែសម្រាប់គ្រូបង្វឹក Luis Enrique វិញ ហាក់មិនគិតដូចអ្នកគាំទ្រនោះទេ។ អតីតគ្រូរបស់ក្រុម Barcelona រូបនេះបាននិយាយថា៖ “ប្រសិនបើ David ត្រូវបន្ទោស ជាមួយការប្រកួតបែបនេះ អ្នកគួរតែបញ្ឈប់វាទៅ។ ការបន្ទោសតែអ្នកចាំទី គឺជាទម្លាប់អាក្រក់បំផុត។ យើងបង្កើតឱកាសជាច្រើនប៉ុន្តែមិនអាចសម្រេចទីបាន។ ខ្ញុំចាញ់ប្រកួតបែបនេះច្រើនណាស់ក្នុងអាជីពរបស់ខ្ញុំ គូប្រកួតរបស់យើងតែងតែមានឱកាសនៅពេលយើងសម្រុកពួកគេខ្លាំង និងមិនអាចទម្លាយសំណាញ់ទីបាន”៕
ប្រភព៖ Goal